Fiction Series:

Mera Nanha Beta…Rajkumar

"hava dheere aana…nind bhare pankh liye jhoola jhoola jaana …

nanhi kali sone chali hava dhire aana …

nind bhare pankh liye jhoola jhoola jaana …

nanhi kali sone chali … “

“chaand kiran si gudiya naajon ki hai pali - 2 …

aaj agar chaandaniya aana meri gali …

gun gun gun git koi haule haule gaana …

nind bhare pankh liye jhoola jhoola jaana … “

“resham ki dor agar pairon ko ulajhaaye - 2 …

ghungharu ka daana koi shor macha jae …

daane mere jaage to phir nindiya tu bahalaana …

nind bhare pankh liye jhoola …

jhoola jaana …

nanhi kali sone chali hava dhire aana “

“chalo beta! Now Sleep!”

 “nahi papa! Neend nahi aa rahi!”

“chalo tho! Acche bachche jidh nahi kiya karthe! So jaao!”

“papa! Kahani sunaao naa! Achchi si!”

“kaun si sunoge?”

“papa! Wo raaj kumaar aur raaj kumari waali! Wo pariyon waali!”

“teek hai! beta! Chalo! Mein sunaathaa hun! Tum aanke bandh kar lo!”

“achche bachche ho! Chalo aankhe bandh kar lo!”

dheere se, apne hath uske bete seene par thap thapathe hue…

“hmmm…ek raja tha…aur ek raani…us raja ka ek beta tha…mathlab raaj kumar…unke raj mahal bahut badaa tha…”

“papa! Kithna bada? Apne ghar jithna?”

“arre! Tum soye nahi! Nahi beta! Bahut bahut bahut badaa….hamare ghar jaise sau ghar ban sakthe hai…ek bahut bada garden…usme bahut saare phool…thithiliyaan…unke bahut saare servant the…sone ke barthan mein khanaa khaaya karthe the….”

“raaj kumar…bahut chaalak aur bahaadhur thaa…bilkul tumhaari tarah…..use gud sawaari aathi thi….”

‘papa! Muje bhi ek ghoda chaahiye…”

“teek hai beta! Par ab so jaao! Waise hamare paas kaar hai na! us jamaane mein ghoda gaadi hua karthi thi…haan! Tho …”

“raaj kumar bahut padthaa tha…wo kai languages jaantha tha…use music aathaa tha…raja aur raani bahut kush the raj kumar se…”

“raja ka desh bahut badaa ho gaya…raja ab buda ho gaya tha….raj kumar bi badaa ho gaya….ek raja bimaar ho gaya…raj kumar ne bahut saare vaidhya, neem hakim bhulwaaye…par raajaa teek nahi hua…tab ek saadhu us rajya mein aayaa…raj kumar ke poochne par usne bathayaa….kunwarji…aapko ek jadi booti laanaa ho ga…wo jadi booti ek taapu par hai milega…raj kumar ne poocha kithna dhoor hai ye taapu aur is taapu ka naam kya hai….sadhu ne bathayaa…ye taapu ka naam “rediffiland” aur ye taapu saath samundhar paar..saath pahaad paar aur saath raajyo ke paar hai….sun rahe ho…beta…beta….”

“so gayaa….beta…mera pyaara beta….raj kumari tumhare sapno me aayegi aur saath me pariyaa bi…..”

song source: www.hindilyrix.com